Suávis Dóminus univérsis, et miseratiónes eius super ómnia ópera eius.

Confiteántur tibi, Dómine, ómnia ópera tua, et sancti tui benedícant tibi.

Glóriam regni tui dicent et poténtiam tuam loquéntur,

ut notas fáciant fíliis hóminum poténtias eius et glóriam magnificéntiæ regni eius.

Regnum tuum regnum ómnium sæculórum, et dominátio tua in omni generatióne et generatiónem. Fidélis Dóminus in ómnibus verbis suis et sanctus in ómnibus opéribus suis.

Állevat Dóminus omnes, qui córruunt, et érigit omnes incurvos.

Óculi ómnium in te sperant, et tu das escam illórum in témpore opportúno.