Confitébor tibi, Dómine, in toto corde meo, quóniam audísti verba oris mei. In conspéctu angelórum psallam tibi;

adorábo ad templum sanctum tuum et confitébor nómini tuo, super misericórdia tua et veritáte tua, quóniam magnificásti super omnes nomen tuum et elóquium tuum.

In quacúmque die invocávero te, exáudi me; multíplices fácies in ánima mea virtútem.

Confiteántur tibi, Dómine, omnes reges terræ, quia audiérunt elóquia oris tui.

Et cantent in viis Dómini, quóniam magna est glória Dómini,

quóniam excélsus Dóminus et humília réspicit et alta a longe cognóscit.