Vésperas
Cântico nupcial I
Ant.Lingua mea cálamus scribæ.
Eructávit cor meum verbum bonum; dico ego ópera mea regi. Lingua mea cálamus scribæ velóciter scribéntis.
Speciósus forma præ fíliis hóminum, diffúsa est grátia in lábiis tuis; proptérea benedíxit te Deus in ætérnum.
Accíngere gládio tuo super femur, potentíssime, decóre tuo et pulchritúdine tua.
Et in pulchritúdine tua prospere procéde et regna propter veritátem et mansuetúdinem et iustítiam; et dedúcet te mirabíliter déxtera tua.
Sagíttæ tuæ acútæ — pópuli sub te cadent — in corde inimicórum regis.
Thronus tuus, Deus, in sǽculum sǽculi; sceptrum æquitátis sceptrum regni tui.
Dilexísti iustítiam et odísti iniquitátem; proptérea unxit te Deus, Deus tuus, óleo lætítiæ præ consórtibus tuis.
Myrrha et áloe et cássia ómnia vestiménta tua; de domibus ebúrneis delectavérunt te
fíliæ regum in honóre tuo. Astitit regína a dextris tuis in auro Ophir.
Repete-se a antífona.