Vésperas
Ação de graças
Ant.Exaltábo te, Dómine, quóniam extraxísti me.
Exaltábo te, Dómine, quóniam extraxísti me nec delectásti inimícos meos super me.
Dómine Deus meus, clamávi ad te, et sanásti me.
Dómine, eduxísti ab inférno ánimam meam; salvum me fecísti a descendéntibus in lacum.
Psállite Dómino, sancti eius, et confitémini memóriæ sanctitátis eius,
quóniam ad moméntum ira eius, vita in voluntáte eius; ad vésperam demorátur fletus et ad matutínum lætítia.
Ego autem dixi in abundántia mea: "Non movébor in ætérnum."
Dómine, in voluntáte tua præstitísti decóri meo virtútem; avertísti fáciem tuam, et factus sum conturbátus.
Ad te, Dómine, clamábo et ad Deum meum deprecábor:
"Quæ utilitas in sánguine meo, dum descéndo in corruptiónem? Numquid confitébitur tibi pulvis aut annuntiábit veritátem tuam?"
Exáudi, Dómine, et miserére mei; Dómine, esto adiútor meus.
Convertísti planctum meum in gáudium mihi; conscidísti saccum meum et circumdedísti me lætítia,
ut cantet tibi glória mea et non compúngar. Dómine Deus meus, in ætérnum confitébor tibi.
Repete-se a antífona.