Terça
Gosto e vede I
Benedícam Dóminum in omni témpore; semper laus eius in ore meo.
In Dómino gloriábitur ánima mea; áudiant mansuéti et laeténtur.
Magnificáte Dóminum mecum, et exaltémus nomen eius in idípsum.
Exquisívi Dóminum, et exaudívit me et ex ómnibus tribulatiónibus meis erípuit me.
Accédite ad eum et illuminámini, et fácies vestræ non confundéntur.
Iste pauper clamávit, et Dóminus exaudívit et de ómnibus tribulatiónibus eius salvávit eum.
Immíttet ángelus Dómini in circúitu timéntium eum et erípiet eos.
Gustáte et vidéte quóniam suávis est Dóminus; beátus vir qui sperat in eo.
Timéte Dóminum, sancti eius, quóniam non est inópia timéntibus eum.
Dívites eguérunt et esuriérunt; qui autem requírunt Dóminum, non defícient omni bono.