Terça
Paixão I
Deus, Deus meus, quare me dereliquísti? Longe a salúte mea verba rúgitus mei.
Deus meus, clamo per diem, et non exáudies, et nocte, et non est siléntium mihi.
Tu autem sanctus es, qui hábitas in láudibus Israël.
In te speravérunt patres nostri; speravérunt, et liberásti eos.
Ad te clamavérunt et salvi facti sunt; in te speravérunt et non sunt confúsi.
Ego autem sum vermis et non homo; oppróbrium hóminum et abiéctio plebis.
Omnes vidéntes me deridérunt me; distordérunt lábia, movérunt caput:
"Sperávit in Dómino, erípiat eum; salvum fáciat eum, quóniam vult eum."
Quóniam tu es qui extráxisti me de ventre, spes mea ab ubéribus matris meæ.
In te iactátus sum ex útero; de ventre matris meæ Deus meus es tu.
Ne discésseris a me, quóniam tribulátio próxima est, quóniam non est qui ádiuvet.