Dóminus pascit me, et nihil mihi déerit.

In páscuis viréntibus me collocábit; super aquas quiétis edúcet me.

Ánimam meam refíciet. Dedúcet me super sémitas iustítiæ propter nomen suum.

Nam et si ambulávero in médio umbræ mortis, non timébo mala, quóniam tu mecum es. Virga tua et báculus tuus, ipsa me consoláta sunt.

Parásti in conspéctu meo mensam advérsus eos, qui tríbulant me; impinguásti in óleo caput meum, et calix meus inébrians.

Et bénitas et misericórdia subsequéntur me ómnibus diébus vitæ meæ, et habitábo in domo Dómini in longitúdinem diérum.