Sexta
Deus justo Juiz I
Deus ultiónum, Dómine, Deus ultiónum, appáre!
Exaltáre, qui iúdicas terram; redde retributiónem supérbis.
Úsquequo peccatóres, Dómine, úsquequo peccatóres gloriabúntur?
Effántur et loquúntur iníqua; iactántur omnes, qui operántur iniquitátem.
Pópulum tuum, Dómine, contérunt et hereditátem tuam humíliant.
Víduam et advénam interfíciunt et pupíllos occídunt.
Et dixérunt: «Non vidébit Dóminus, nec intélleget Deus Iacob».
Intellégite, insipientíssimi in pópulo; et stulti, quando sapiétis?
Qui plantávit aurem, non áudiet? Aut qui finxit óculum, non consíderábit?
Qui érudit gentes, non árguet, qui docet hóminem sciéntiam?
Dóminus scit cogitatiónes hóminum, quóniam vanæ sunt.