Confitébimur tibi, Deus, confitébimur, et invocábimus nomen tuum; narrábimus mirabília tua.

"Cum accépero tempus, ego iustítias iudicábo.

Liquefácta est terra et omnes, qui hábitant in ea; ego firmávi colúmnas eius."

Dixi iníquis: "Nolíte iníque ágere!", et peccatóribus: "Nolíte exaltáre cornu;

nolíte extóllere in altum cornu vestrum, nolíte loqui advérsus Deum iníque."

Quia neque ab oriénte neque ab occidénte neque a desérto exaltátio;

quóniam Deus iudex est: hunc humíliat et hunc éxaltat.

Quia calix in manu Dómini, vini meri plenus mixto; et inclinavit ex hoc in hoc; verúmtamen fæx eius non est exinaníta: bibent omnes peccatóres terræ.

Ego autem annuntiábo in sǽculum; cantábo Deo Iacob.

Et ómnia córnua peccatórum confríngam; et exaltabúntur córnua iusti.