Deus, in nómine tuo salvum me fac et in virtúte tua iúdica me.

Deus, exáudi oratiónem meam; áuribus pércipe verba oris mei.

Quóniam aliéni insurrexérunt advérsum me, et violénti quæsiérunt ánimam meam; non proposuérunt Deum ante conspéctum suum.

Ecce enim Deus ádiuvat me, et Dóminus suscéptor est ánimæ meæ.

Avérte mala inimícis meis; in veritáte tua dispérde illos.

Voluntárie sacrificábo tibi; confitébor nómini tuo, Dómine, quóniam bonum est;

quóniam ex omni tribulatióne eripuísti me, et super inimícos meos respéxit óculus meus.