Ad te levávi óculos meos, qui hábitas in cælis.

Ecce sicut óculi servórum in mánibus dominórum suórum, sicut óculi ancíllæ in mánibus dóminæ suæ, ita óculi nostri ad Dóminum Deum nostrum, donec misereátur nostri.

Miserére nostri, Dómine, miserére nostri, quia multum repléti sumus despectióne.

Multum repléta est ánima nostra oppróbrio abundántium et despectióne superbórum.