Nona
O rei exilado
Exáudi, Deus, deprecatiónem meam; inténde oratióni meæ.
A fínibus terræ ad te clamávi, dum anxiarétur cor meum; in petra, quæ altior me est, collocábis me.
Quia factus es spes mea, turris fortitúdinis a fácie inimíci.
Inhabitábo in tabernáculo tuo in sǽcula; prótegar in velaménto alárum tuárum.
Quóniam tu, Deus, exaudísti vota mea; dedísti hereditátem timéntibus nomen tuum.
Dies super dies regis adícies; annos eius usque in diem generatiónis et generatiónis.
Permánebit in ætérnum in conspéctu Dei; misericórdiam et veritátem eius quis requíret?
Sic psalmum dicam nómini tuo in sǽculum, ut reddam vota mea de die in diem.