Exáudi, Deus, oratiónem meam et ne abscónderis a deprecatióne mea;

inténde mihi et exáudi me. Contristátus sum in exercitatióne mea et conturbátus sum

a voce inimíci et a tribulatióne peccatóris, quóniam declinavérunt super me iniquitátem et in ira molésti erant mihi.

Cor meum contrémuuit in me, et formídines mortis cecidérunt super me.

Timor et tremor venérunt super me, et contéxit me ténebra.

Et dixi: "Quis dabit mihi pennas sicut colúmbæ, et volábo et requiéscam?

Ecce elongávi fúgiens et mansi in solitúdine.

Exspectábam eum, qui salvum me fáceret a pusillánimo spíritu et tempestáte."