Nona
Oração do enfermo I
Dómine, ne in furóre tuo árguas me neque in ira tua corrípias me,
quóniam sagíttæ tuæ infíxæ sunt mihi, et descéndit super me manus tua.
Non est sánitas in carne mea a fácie iræ tuæ; non est pax óssibus meis a fácie peccáti mei.
Quóniam iniquitátes meæ supergréssæ sunt caput meum; sicut onus grave gravátæ sunt super me.
Putruerúnt et corruptæ sunt cicatríces meæ a fácie insipiéntiæ meæ.
Miser factus sum et curvátus sum nimis; tota die contristátus ingrediébar.
Quóniam lumbi mei impléntur inflammatióne, et non est sánitas in carne mea.
Torpéfactus sum et contrítus sum nimis; rugiébam a gémitu cordis mei.