Nona
Protesto de inocência
Iúdica me, Dómine, quóniam ego in innocéntia mea ingréssus sum, et in Dómino sperans non infirmábor.
Proba me, Dómine, et tenta me; ure renes meos et cor meum.
Quóniam misericórdia tua ante óculos meos est, et ambulávi in veritáte tua.
Non sedi cum viris vanitátis et cum iniqua geréntibus non introíbo.
Odívi ecclésiam malignántium et cum ímpiis non sedébo.
Lavábo inter innocéntes manus meas et circumdábo altáre tuum, Dómine,
ut áudiam vocem laudis et enárrem univérsa mirabília tua.
Dómine, diléxi habitatiónem domus tuæ et locum habitatiónis glóriæ tuæ.
Ne perdas cum ímpiis ánimam meam et cum viris sánguinum vitam meam,
in quorum mánibus est scelus, et déxtera eórum repléta est munéribus.
Ego autem in innocéntia mea ingréssus sum; rédime me et miserére mei.
Pes meus stetit in recto; in ecclésiis benedícam Dómino.