Ofício de Leituras
Ação de graças
Confitébor tibi, Dómine, in toto corde meo; narrábo ómnia mirabília tua.
Lætábor et exsultábo in te; psallam nómini tuo, Altíssime.
Cum convérsi fúerint inimíci mei retrórsum, infirmabúntur et períbunt a fácie tua.
Quóniam fecísti iudícium meum et causam meam; sedísti super thronum, qui iúdicas iustítiam.
Increpásti gentes et périit ímpius; nomen eórum delésti in ætérnum et in sǽculum sǽculi.
Inimíci deféctæ sunt rúinæ in finem, et civitátes eórum destruxísti; périit memória eórum.
Et Dóminus in ætérnum pérmanet; parávit in iudícium thronum suum,
et ipse iudicábit orbem terræ in iustítia, iudicábit pópulos in æquitáte.
Et erit Dóminus refúgium óppresso, refúgium in opportunitátibus, in tribulatióne.
Et sperent in te, qui novérunt nomen tuum, quóniam non dereliquísti quæréntes te, Dómine.