Ofício de Leituras
Oração do aflito II
Tu exsúrgens miseréberis Sion, quia tempus est miseréndi eius, quia venit tempus;
quóniam beneplácitum habent servi tui in lapídibus eius et pulveris eius miseréntur.
Et timébunt gentes nomen Dómini et omnes reges terræ glóriam tuam,
quia ædificávit Dóminus Sion et apparébit in glória sua.
Respéxit ad oratiónem destitutórum et non sprevit precem eórum.
Scribátur hoc in generatióne áltera, et pópulus, qui creábitur, laudábit Dóminum,
quia prospéxit de excélso sancto suo, Dóminus de cælo in terram aspéxit,
ut audíret gémitum compeditórum, ut sólveret fílios mortis,
ut annúntient in Sion nomen Dómini et laudem eius in Ierúsalem,
cum convenérint pópuli in unum et regna, ut sérviant Dómino.
Humiliávit in via virtútem meam, abbreviávit dies meos.