Ofício de Leituras
O Rei da glória I
Dómini est terra et plenitúdo eius, orbis terrárum et univérsi qui hábitant in eo.
Quia ipse super mária fundávit eum et super flúmina firmávit eum.
Quis ascéndet in montem Dómini, aut quis stabit in loco sancto eius?
Ínnocens mánibus et mundo corde, qui non levávit ad vana ánimam suam nec iurávit in dolo.
Hic accípiet benedictiónem a Dómino et iustítiam a Deo salutári suo.
Hæc est generátio quæréntium eum, quæréntium fáciem Dei Iacob.
Attóllite, portæ, cápita vestra, et elevámini, portæ æternáles, et introíbit Rex glóriæ!
Quis est iste Rex glóriæ? Dóminus fortis et potens, Dóminus potens in prǽlio.
Attóllite, portæ, cápita vestra, et elevámini, portæ æternáles, et introíbit Rex glóriæ!
Quis est iste Rex glóriæ? Dóminus virtútum, ipse est Rex glóriæ!