Ofício de Leituras
Hino ao Criador II
Rigans montes de superióribus suis; de fructu óperum tuórum satiábitur terra.
Prodúcens fenum iuméntis et herbam servitúti hóminum, ut edúcas panem de terra,
et vinum lætíficet cor hóminis, ut exhílaret fáciem in óleo, et panis cor hóminis confírmet.
Saturántur ligna Dómini, cedri Líbani, quas plantávit.
Illic pásseres nidificábunt; heródii cypréssus domus eius.
Montes excélsi cervis, petra refúgium herináciis.
Fecit lunam in témpora; sol cognóvit occásum suum.
Pónis ténebras, et fit nox; in ipsa movéntur omnes béstiæ silvæ.
Cátuli leónum rugiéntes, ut rápiant et quærant a Deo escam sibi.
Ortus est sol, et congregáti sunt et in cubílibus suis accubábunt.
Exíbit homo ad opus suum et ad operatiónem suam usque ad vésperam.