Ofício de Leituras
Hino ao Criador I
Bénedic, ánima mea, Dómino. Dómine Deus meus, magnificátus es veheménter; conféssionem et decórem induísti,
amíctus lúmine sicut vestiménto. Exténdens cælum sicut pellem,
qui tegis in aquis superióra eius; qui ponis nubes ascénsum tuum, qui ámbulas super pennas ventórum;
qui facis ángelos tuos spíritus et minístros tuos ignem uréntam.
Qui fundásti terram super bases suas; non commovébitur in sǽculum sǽculi.
Abýsso sicut vestiménto operuísti eam; super montes stabunt aquæ.
Ab increpatióne tua fúgient, a voce tonítrui tui formidábunt.
Ascendérunt montes et descendérunt campi in locum, quem fundásti eis.
Términum posuísti, quem non transgrediéntur, neque converténtur operíre terram.
Qui emíttis fontes in convállibus; inter médios montes pertransíbunt.
Potábunt omnes béstiæ agri; exspectábunt ónagri in siti sua.
Super ea vólucres cæli habitábunt; de médio ramórum dabunt voces.