Confitébor tibi in ecclésia magna; in pópulo numeróso laudábo te.

Non supergáudeant mihi qui adversántur mihi iníque; qui odérunt me gratis, annúant óculis.

Quóniam non pacem loquúntur, sed in quietos terræ verba dolósa concínnant.

Et dilátant super me os suum; dixérunt: "Euge, euge! Vidérunt óculi nostri."

Vidísti, Dómine; ne síleas; Dómine, ne elongéris a me.

Exsúrge et evígila iudício meo, Deus meus et Dómine meus, causæ meæ.

Iúdica me secúndum iustítiam tuam, Dómine Deus meus, et non supergáudeant mihi.

Non dicant in corde suo: "Euge, ánimæ nostræ!"; non dicant: "Devorávimus eum."

Erubéscant et confundántur simul qui gratulántur malo meo; induántur confusióne et revéntia qui magna loquúntur super me.

Exsúltent et laeténtur qui volunt iustítiam meam et dicant semper: "Magnificétur Dóminus, qui vult pacem servi sui."

Et lingua mea meditábitur iustítiam tuam, tota die laudem tuam.