Laudes
O Senhor é santo
Ant.Dóminus regnávit, irascántur pópuli.
Dóminus regnávit, irascántur pópuli; qui sedet super chérubim, moveátur terra.
Dóminus in Sion magnus et excélsus super omnes pópulos.
Confiteántur nómini tuo magno; terríbile et sanctum est.
Et honor regis iudícium díligit. Tu firmásti æquitátem; iudícium et iustítiam in Iacob tu fecísti.
Exaltáte Dóminum Deum nostrum et adoráte scabéllum pedum eius, quóniam sanctum est.
Móyses et Aaron in sacerdótibus eius, et Sámuel inter eos, qui ínvocant nomen eius; invocábant Dóminum, et ipse exaudiébat eos.
In colúmna nubis loquebátur ad eos; custodiébant testimónia eius et præcéptum, quod dedit illis.
Dómine Deus noster, tu exaudiébas eos; Deus, tu propítius fuísti eis et ulcíscens in omnes adinventiónes eórum.
Exaltáte Dóminum Deum nostrum et adoráte in monte sancto eius, quóniam sanctus Dóminus Deus noster.
Repete-se a antífona.