Laudes
A voz do Senhor na tempestade
Ant.Adoráte Dóminum in atrio sancto eius.
Afférte Dómino, fílii Dei, afférte Dómino glóriam et poténtiam;
afférte Dómino glóriam nóminis eius; adoráte Dóminum in splendóre sancto.
Vox Dómini super aquas; Deus maiestátis intónuit, Dóminus super aquas multas.
Vox Dómini in virtúte; vox Dómini in magnificéntia.
Vox Dómini confríngens cedros; et confrínget Dóminus cedros Líbani.
Et commovébit eos quasi vítulum, Líbanum et Sárion quasi fílium unicórnium.
Vox Dómini intercidéntis flammam ignis.
Vox Dómini concutiéntis desértum; concútiet Dóminus desértum Cades.
Vox Dómini præparántis cervos et denudántis silvas; et in templo eius omnes dicent: "Glória!".
Dóminus super dilúvium sedit, et sedébit Dóminus Rex in ætérnum.
Dóminus virtútem pópulo suo dabit; Dóminus benedícet pópulo suo in pace.
Repete-se a antífona.