Laudes
Oração da manhã
Ant.Verba mea áuribus pércipe, Dómine.
Verba mea áuribus pércipe, Dómine; intéllege clamórem meum.
Inténde voci oratiónis meæ, Rex meus et Deus meus, quóniam ad te orábo.
Dómine, mane exáudies vocem meam; mane astábo tibi et exspectábo.
Quóniam non Deus volens iniquitátem tu es; non habitábit iuxta te malígnus,
nec stábunt arrogántes ante óculos tuos. Odísti omnes qui operántur iniquitátem;
perdes omnes qui loquúntur mendácium. Virum sánguinum et dolósum abominátur Dóminus.
Ego autem in multitúdine misericórdiæ tuæ introíbo in domum tuam; adorábo ad templum sanctum tuum in timóre tuo.
Dómine, deduc me in iustítia tua propter inimícos meos; dírige ante conspéctum meum viam tuam.
Quóniam non est in ore eórum véritas; cor eórum vanum est, sepúlcrum patens est guttur eórum, linguis suis dolose agébant.
Et læténtur omnes qui sperant in te; in ætérnum exsultábunt, et protéges eos. Et gloriabúntur in te, qui díligunt nomen tuum,
quóniam tu benedíces iusto, Dómine; ut scuto bonæ voluntátis coronásti nos.
Repete-se a antífona.