Benedícite, ómnia ópera Dómini, Dómino; laudáte et superexaltáte eum in sǽcula.

Benedícite, ángeli Dómini, Dómino; laudáte et superexaltáte eum in sǽcula.

Benedícite, cæli, Dómino; laudáte et superexaltáte eum in sǽcula.

Benedícite, aquæ omnes, quæ super cælos sunt, Dómino; laudáte et superexaltáte eum in sǽcula.

Benedícite, omnes virtútes Dómini, Dómino; laudáte et superexaltáte eum in sǽcula.

Benedícite, sol et luna, Dómino; laudáte et superexaltáte eum in sǽcula.

Benedícite, stellæ cæli, Dómino; laudáte et superexaltáte eum in sǽcula.

Benedícite, omnis imber et ros, Dómino; laudáte et superexaltáte eum in sǽcula.

Benedícite, omnes venti, Dómino; laudáte et superexaltáte eum in sǽcula.

Benedícite, ignis et æstus, Dómino; laudáte et superexaltáte eum in sǽcula.

Benedícite, frigus et æstus, Dómino; laudáte et superexaltáte eum in sǽcula.

Benedícite, rores et pruína, Dómino; laudáte et superexaltáte eum in sǽcula.

Benedícite, gelu et frigus, Dómino; laudáte et superexaltáte eum in sǽcula.

Benedícite, glaciés et nives, Dómino; laudáte et superexaltáte eum in sǽcula.

Benedícite, noctes et dies, Dómino; laudáte et superexaltáte eum in sǽcula.

Benedícite, lux et ténebræ, Dómino; laudáte et superexaltáte eum in sǽcula.

Benedícite, fúlgura et nubes, Dómino; laudáte et superexaltáte eum in sǽcula.

Benedícat terra Dóminum; laudet et superexáltet eum in sǽcula.

Benedícite, montes et colles, Dómino; laudáte et superexaltáte eum in sǽcula.

Benedícite, univérsa germinántia in terra, Dómino; laudáte et superexaltáte eum in sǽcula.

Benedícite, fontes, Dómino; laudáte et superexaltáte eum in sǽcula.

Benedícite, maria et flúmina, Dómino; laudáte et superexaltáte eum in sǽcula.

Benedícite, cete et ómnia, quæ movéntur in aquis, Dómino; laudáte et superexaltáte eum in sǽcula.

Benedícite, omnes volúcres cæli, Dómino; laudáte et superexaltáte eum in sǽcula.

Benedícite, omnes béstiæ et pécoræ, Dómino; laudáte et superexaltáte eum in sǽcula.

Benedícite, fílii hóminum, Dómino; laudáte et superexaltáte eum in sǽcula.

Benedícat Israël Dóminum; laudet et superexáltet eum in sǽcula.

Benedícite, sacerdótes Dómini, Dómino; laudáte et superexaltáte eum in sǽcula.

Benedícite, servi Dómini, Dómino; laudáte et superexaltáte eum in sǽcula.

Benedícite, spíritus et ánimæ iustórum, Dómino; laudáte et superexaltáte eum in sǽcula.

Benedícite, sancti et húmiles corde, Dómino; laudáte et superexaltáte eum in sǽcula.

Benedícite, Ananía, Azaría, Misaél, Dómino; laudáte et superexaltáte eum in sǽcula, quia eripuit nos de inférno et salvávit nos de manu mortis et liberávit nos de médio ardéntis flammæ et de médio ignis erípuit nos.