Laudes
Hino matutino
Ant.Parátum cor meum, Deus.
Parátum cor meum, Deus, parátum cor meum; cantábo et psallam. Surge, glória mea!
Surge, psaltérium et cíthara; excitábo auróram.
Confitébor tibi in pópulis, Dómine, et psallam tibi in natiónibus,
quia magna super cælos misericórdia tua et usque ad nubes véritas tua.
Exaltáre super cælos, Deus, et super omnem terram glória tua.
Ut liberéntur dilécti tui, salvum fac déxtera tua et exáudi me.
Deus locútus est in sancto suo: «Exsultábo et partíbor Síchimam et convállem Succoth dimétiar.
Meus est Gálaad et meus est Manásses, et Éphraim fortitúdo cápitis mei; Iuda princeps meus.
Moab lebes lavácri mei; super Idumǽam proíciam calceaméntum meum; super Philísthiim clamábo».
Quis dedúcet me in civitátem munítam? Quis dedúcet me usque in Idumǽam?
Nonne tu, Deus, qui reppulísti nos et non egrediéris, Deus, in virtútibus nostris?
Da nobis auxílium de tribulatióne, quia vana salus hóminis.
In Deo faciémus virtútem, et ipse conculcábit tribulántes nos.
Repete-se a antífona.