Laudes
Hino real
Ant.Benedíctus Dóminus, Deus meus.
Exaltábo te, Deus meus Rex, et benedícam nómini tuo in sǽculum et in sǽculum sǽculi.
Per síngulos dies benedícam tibi et laudábo nomen tuum in sǽculum et in sǽculum sǽculi.
Magnus Dóminus et laudábilis nimis, et magnitúdinis eius non est finis.
Generátio et generátio laudábit ópera tua et poténtias tuas pronuntiábunt.
Magnificéntiam glóriæ maiestátis tuæ et verba mirabílium tuórum loquéntur;
et virtútem terribílium tuórum dicent, et magnitúdinem tuam narrábunt.
Memóriam abundántiæ suavitátis tuæ eructábunt et iustítia tua exsultábunt.
Miséricors et misérator Dóminus, longánimis et multum miséricors.
Suávis Dóminus univérsis, et miseratiónes eius super ómnia ópera eius.
Confiteántur tibi, Dómine, ómnia ópera tua, et sancti tui benedícant tibi.
Repete-se a antífona.