Laudes
Convite ao louvor
Ant.Laudáte Dóminum, omnes gentes.
Confitémini Dómino, quóniam bonus, quóniam in ætérnum misericórdia eius.
Dicat nunc Israel: «Quóniam in ætérnum misericórdia eius».
Dicat nunc domus Aaron: «Quóniam in ætérnum misericórdia eius».
Dicant nunc qui timent Dóminum: «Quóniam in ætérnum misericórdia eius».
De tribulatióne invocávi Dóminum; exaudívit me in latitúdine Dóminus.
Dóminus mecum, non timébo; quid fáciet mihi homo?
Dóminus mihi adiútor; et ego despíciam inimícos meos.
Bonum est confídere in Dómino quam confídere in hómine.
Bonum est speráre in Dómino quam speráre in princípibus.
Omnes gentes circumdedérunt me; in nómine Dómini quia ulcíscam in eos.
Circumdántes circumdedérunt me; in nómine Dómini quia ulcíscam in eos.
Circumdedérunt me sicut apes et exársérunt sicut ignis in spinis; in nómine Dómini quia ulcíscam in eos.
Impéliens impúlsus sum, ut cáderem; et Dóminus adiúvit me.
Fortitúdo mea et laus mea Dóminus et factus est mihi in salútem.
Vox exsultatiónis et salútis in tabernáculis iustórum: «Déxtera Dómini fecit virtútem,
déxtera Dómini exaltávit, déxtera Dómini fecit virtútem».
Non móriar sed vivam et narrábo ópera Dómini.
Castígans castigávit me Dóminus et morti non trádidit me.
Aperíte mihi portas iustítiæ; ingréssus in eas confitébor Dómino.
Hæc porta Dómini; iusti intrábunt in eam.
Confitébor tibi, quóniam exaudísti me et factus es mihi in salútem.
Lápidem quem reprobavérunt ædificántes, hic factus est in caput ánguli.
A Dómino factum est istud et est mirábile in óculis nostris.
Hæc est dies, quam fecit Dóminus; exsultémus et lætémur in ea.
O Dómine, salvum fac; o Dómine, da prosperitátem.
Benedíctus, qui venit in nómine Dómini. Benedíximus vobis de domo Dómini.
Deus Dóminus et illúxit nobis. Constitúite diem solémnem in condénsis usque ad cornu altáris.
Deus meus es tu, et confitébor tibi; Deus meus es tu, et exaltábo te.
Confitémini Dómino, quóniam bonus, quóniam in ætérnum misericórdia eius.
Repete-se a antífona.