Laudes
Saudade do templo
Ant.Quam dilécta tabernácula tua, Dómine.
Quam dilécta tabernácula tua, Dómine virtútum!
Concupíscit et déficit ánima mea in átria Dómini; cor meum et caro mea exsultavérunt in Deum vivum.
Étenim passer invénit sibi domum et turtur nidum, ubi ponat pullos suos: altária tua, Dómine virtútum, Rex meus et Deus meus.
Beáti qui hábitant in domo tua; in perpétuum laudábunt te.
Beátus homo, cuius est auxílium abs te; ascensiónes in corde suo dispósuit.
Transeúntes per vallem Baca, fontem pónent eam; étenim benedictiónibus operiétur dux.
Ibunt de virtúte in virtútem; vidébitur Deus deórum in Sion.
Dómine, Deus virtútum, exáudi oratiónem meam; áuribus pércipe, Deus Iacob.
Prótector noster, áspice, Deus, et réspice in fáciem Christi tui.
Quia mélior est dies una in átriis tuis super mília; elégi ad limen esse in domo Dei mei magis quam habitáre in tabernáculis peccatórum.
Quia sol et scutum est Dóminus Deus; grátiam et glóriam dabit Dóminus; non privábit bonis eos, qui ámbulant in innocéntia.
Dómine virtútum, beátus homo, qui sperat in te.
Repete-se a antífona.