Laudes
Louvor cósmico
Ant.Laudáte Dóminum de cælis.
Laudáte Dóminum de cælis, laudáte eum in excélsis.
Laudáte eum, omnes ángeli eius; laudáte eum, omnes virtútes eius.
Laudáte eum, sol et luna; laudáte eum, omnes stellæ lucéntes.
Laudáte eum, cæli cælórum, et aquæ, quæ super cælos sunt.
Laudent nomen Dómini, quia ipse mandávit, et creáta sunt;
státuit ea in ætérnum et in sǽculum sǽculi; præcéptum pósuit, et non præteríbit.
Laudáte Dóminum de terra, dracónes et omnes abýssi,
ignis, grando, nix, fúmus, spíritus procellǽrum, quæ fáciunt verbum eius,
montes et omnes colles, ligna fructífera et omnes cedri,
béstiæ et univérsa pécora, serpéntes et vólucres pennátæ,
reges terræ et omnes pópuli, príncipes et omnes iúdices terræ,
iúvenes et vírgines, senes cum iunióribus:
laudent nomen Dómini, quia exaltátum est nomen eius solíus.
Conféssio eius super cælum et terram, et exaltávit cornu pópuli sui. Hymnus ómnibus sanctis eius, fíliis Israel, pópulo, qui propínquus est ei.
Repete-se a antífona.