Completas
Deus, qui per beátum Ioánnem apóstolum Verbi tui nobis arcána reserásti, præsta, quǽsumus, ut quod ille nostris áuribus excellénter infúdit, intellegéntiæ competéntis eruditióne capiámus. Per Christum.
Noctem quiétam et finem perféctum concédat nobis Dóminus omnípotens. Amen.
Alma Redemptóris Mater,
quæ pérvia cæli porta manes,
et stella maris, succúrre cadénti,
súrgere qui curat, pópulo:
tu quæ genuísti, natúra miránte,
tuum sanctum Genitórem,
Virgo prius ac postérius,
Gabriélis ab ore sumens illud Ave,
peccatórum miserére.