Completas
Omnípotens Deus, te supplíciter exorámus, ut ad claustra córporis nostri pervígiles stent ángeli tui sancti, et nos fámulos tuos quies tua recréet ac refíciat, benedíctio tua prótegat et deféndat. Per Christum Dóminum nostrum. Amen.
Noctem quiétam et finem perféctum concédat nobis Dóminus omnípotens. Amen.
Alma Redemptóris Mater,
quæ pérvia cæli porta manes,
et stella maris, succúrre cadénti,
súrgere qui curat, pópulo:
tu quæ genuísti, natúra miránte,
tuum sanctum Genitórem,
Virgo prius ac postérius,
Gabriélis ab ore sumens illud Ave,
peccatórum miserére.