Completas
Deus, qui Indiárum gentes beáti Francísci prædicatióne et miráculis Ecclésiæ tuæ aggregáre voluísti, concéde propítius, ut cuius gloriósa mérita venerámur, virtútum quoque imitémur exémpla. Per Christum.
Noctem quiétam et finem perféctum concédat nobis Dóminus omnípotens. Amen.
Alma Redemptóris Mater,
quæ pérvia cæli porta manes,
et stella maris, succúrre cadénti,
súrgere qui curat, pópulo:
tu quæ genuísti, natúra miránte,
tuum sanctum Genitórem,
Virgo prius ac postérius,
Gabriélis ab ore sumens illud Ave,
peccatórum miserére.