Completas
Deus, qui de vivis et eléctis lapídibus ætérnum maiestáti tuæ prǽparas habitáculum, auxílium pópulo tuo supplicánti concéde, ut quod Ecclésiæ tuæ córporis ædificatióne próficit, spiritáli crescat augménto. Per Christum.
Noctem quiétam et finem perféctum concédat nobis Dóminus omnípotens. Amen.
Salve, Regína, Mater misericórdiæ,
vita, dulcédo et spes nostra, salve.
Ad te clamámus, éxsules fílii Evæ.
Ad te suspirámus geméntes et flentes
in hac lacrimárum valle.
Eia ergo, advocáta nostra,
illos tuos misericórdes óculos ad nos convérte.
Et Iesum, benedíctum fructum ventris tui,
nobis post hoc exsílium osténde.
O clemens, o pia, o dulcis Virgo María.