Completas
Robóra in nobis, Dómine, fidem, qua beátus Bartholomǽus Apóstolus Fílio tuo sincéro ánimo adhǽsit, et præsta, ut per eius intercessiónem Ecclésia tua ómnium géntium efficiátur sacraméntum salútis. Per Christum.
Noctem quiétam et finem perféctum concédat nobis Dóminus omnípotens. Amen.
Salve, Regína, Mater misericórdiæ,
vita, dulcédo et spes nostra, salve.
Ad te clamámus, éxsules fílii Evæ.
Ad te suspirámus geméntes et flentes
in hac lacrimárum valle.
Eia ergo, advocáta nostra,
illos tuos misericórdes óculos ad nos convérte.
Et Iesum, benedíctum fructum ventris tui,
nobis post hoc exsílium osténde.
O clemens, o pia, o dulcis Virgo María.