Completas
Quem habita ao abrigo do Altíssimo
Ant.Alis suis obumbrábit tibi.
Qui hábitat in adiutório Altíssimi, in protectióne Dei cæli commorábitur.
Dicet Dómino: «Refúgium meum et fortitúdo mea, Deus meus, sperábo in eum».
Quóniam ipse liberábit te de láqueo venántium et a verbo maligno.
Scápulis suis obumbrábit tibi, et sub alis eius sperábis.
Scutum et loríca véritas eius; non timébis a timóre noctúrno,
a sagítta volánte in die, a peste perámbulante in ténebris, ab extermínio vastánte in merídie.
Cadent a látere tuo mille et decem mília a dextris tuis; ad te autem non appropinquábit.
Verúmtamen óculis tuis considerábis et retributiónem peccatórum vidébis.
Quóniam tu es, Dómine, refúgium meum. Altíssimum posuísti habitáculum tuum.
Non accédet ad te malum, et flagéllum non appropinquábit tabernáculo tuo,
quóniam ángelis suis mandábit de te, ut custódiant te in ómnibus viis tuis.
In mánibus portábunt te, ne forte offéndas ad lápidem pedem tuum.
Super áspidem et basíliscum ambulábis et conculcábis leónem et dracónem.
«Quóniam mihi adhǽsit, liberábo eum; protégam eum, quóniam cognóvit nomen meum.
Clamábit ad me, et ego exáudiam eum; cum ipso sum in tribulatióne, erípiam eum et glorificábo eum.
Longitúdine diérum replébo eum et osténdam illi salutáre meum».
Repete-se a antífona.