Completas
Omnípotens Deus, te supplíciter exorámus, ut ad claustra córporis nostri pervígiles stent ángeli tui sancti, et nos fámulos tuos quies tua recréet ac refíciat, benedíctio tua prótegat et deféndat. Per Christum Dóminum nostrum. Amen.
Noctem quiétam et finem perféctum concédat nobis Dóminus omnípotens. Amen.
Ave, Regína cælórum,
ave, Dómina angelórum,
salve, radix, salve, porta,
ex qua mundo lux est orta.
Gaude, Virgo gloriósa,
super omnes speciósa;
vale, o valde decóra,
et pro nobis Christum exóra.